XX. mendeko Euskararen Corpus estatistikoa
Testuingurua
Dabid: Berdin zait.
Joab: Ez holakorik saka.
Betleen guzian bazakitek.
Dabid: Goizean goizik erran zautatek anaiek:
Joab: Samuel handia etorria duk gau huntan; eta hire aita ta anaiak harek gonbidatuak dituk opari eta bazkari egiteko.
Elimaz: Jainkoak daki zer duen Samuel profetak gogoan.
Joab: Hasarretu omen duk, Saul erregerekin; eta, diotenaz, ukatua ere du.
Dabid: Israelgo erregea, Jaunak hautatu gizona, ukatua?.
Joab: Bai, hala entzun diat: handizki baztertu omen da Saul, Jaunaren nahitik.
Elimaz: Eta, geroztik, izpiritu gaixtoaren ikara beltzak baderabila artetan.
Dabid: Jaunak berak bazterrerat utzia du beraz?.
Elimaz: Holakoak aditu-eta, ez ote duk, Dabid, guk bezala geroaren beldurrik?.